مسميات الأشياء في بيت جدتي لها طعم مختلف، طول عمري منبهر بدولاب الفضية، كان دولاب كبير كله زجاج من جميع الجهات،مرصوص فيه اطقم ملاعق و شوك فضة و اطباق و كاسات مناسبة لهذه الحقبة، طول عمري ماشفتش الدولاب دا اتفتح ولا مرة. اعتقدجدتي ضيعت المفتاح من سنين و محدش لمس منه اي حاجة.
اعتقد دولاب الفضية دا يعتبر الجد الاكبر لما يعرف الان بالنيش. حتي الان كلمة دولاب الفضية لها طعم مختلف.
تدخل من باب البيت تلاقي في وشك مركز البيت، ترابيزة السفرة. مكان جدتي لم يتغير، في المنتصف و هي تنظر الي الباب. جدي حسنبيه دائما علي يسارها. وطبعا دولاب الفضية في مكانه المميز.
جدتي كان عندها حجرتين صالون ، معرفش ليه ، الصالون المدهب دايما الاقل استخداما،. الحجرة الاخري اسمها صالون البيانو ، كانفيها بيانو كبير . جدي كان بيسمي الاوضة دي اوضة المسافرين.
محدش يقول الحمام في بيت جدتي، اسمه دورة المياة، الحمام الكبير كان فيه الكوز اللي كان بيشرب منه محسن بتاع الخضار (تابعالقصة السابقة).
كان في بيت جدتي صندرة ، في الواقع صندرتين. عشقت الصندرة ، فوق كل حمام كان فيه واحدة، مكنتش فاهم اهميتها. الوصول الي الصندرة كان عملية كوماندوز محفوفة بالمخاطر لطفل يعاني من فوبيا المرتفعات بالاضافة الي اخ عفريت يحلو له تحريك السلم المتحرك بعدالوصول للصندرة. كانت عالم مختلف. بعد كده اكتشفت ان سبب وجود الصندرة هو ان السيفون العتيق ابو سلسلة كان موجود فيالصندرة
البيت كان كبير ، تدخل من الباب في منتصف المنزل، يسارا تدخل علي الصالون المدهب وقدامه صالون البيانو. بينهم صالة صغيرة فيهاالتليفون العتيق. تدخل يمينا توصل اوض النوم وتلك قصة اخري
#برديسيات