Month: August 2022

ايه اول حاجة تيجي في بالك لما تشوف الصورة دي.. طبعا حاتقول لي حديقة الحيوان و رحلة المدرسة وجو الرومانسيات دا وانت واصحابك في ابتدائي مع ميس نادية مشرفة الرحلة  ..  من فضلك اصحي وخليك معايا، اللي انت شايفه دا تاني اكبر حيوان ثديي بعد الفيل.   بيتغذي علي كمية مهولة من الخضار بس برضهممكن ياكل لحمة ..  شايف المغارة دي اللي فاتحها ، اقفل عينيك تاني بقي و تخيل معايا بعد يوم مجهد في الشغل وانت محاط بالاغبياء من الجنس البشري ،فتسول لك نفسك تزق اغباهم جوة .. حايزلطه حتة واحدة..   لو قابلت واحد منهم في الشارع ماتحولش تجري .. مايغركش حجمه ، حايجري اسرع منك ومش حاتلحق تهرب .. خلاص افتح عينيك بقي و ارجع للواقع الاليم .. بكرة حاتشوف نفس الاغبياء تاني وحايفضل سيد قشطة في حديقة الحيوان والحارس بيرمي في فمه حزمة برسيم #برديسيات #اللمبة_اتحرقت

في كل رحلات الاقصر واسوان في فترة الجامعة، كان لازم نروح نتفرج ونتصور عند قبر اغا خان، لااعتقد اننا اي حد حتي كان بيشرح لنامين الاخ اغا دا. كل اللي نعرفه ان في طائفة شيعية اسمها الاسماعيلية وانه دا زعيمهم.  بعد سنين عرفنا ان بينه وبين الست زوجته قصة حب عظيمة جدا،بعد وفاته كانت بتحط وردة حمراء يوميا علي قبره، حتي وهي مسافرة وبما انا بحب النماذج الرومانسية دي قررت ابحث الموضع. اغاخان دا ياسيدي الفاضل لقب ، هذا الاغاخان صاحب المقبرة هو اغاخان الثالث و اسمه الحقيقي سلطان محمد شاه. فضل امامالطائفة لمدة ٧٢ سنة ابان الاحتلال الانجليزي للهند. عشق مصر كباقي افراد طائفة الاسماعيلية اللي كانوا بيعتبروا مصر مركز ثقل الكونبسبب الدولة الفاطمية. السيدة زوجته بقي اسمها البيجوم ودا لقب تشريفي ، اسمها الحقيقي ايفيت من فرنسا، اعتنقت الاسلام علي الطائفة الاسماعيلية.  احبهااغاخان و تزوجا . هو بقي قرر انه لما يموت عايز يتدفن في اسوان فبدا في بناء المقبرة ولما مات تم نقل   رفاته الي اسوان سنة ١٩٥٦. من هذا الوقت وحتي٢٠٠٠ لما ماتت عن عمر ٩٤ عام كانت بتسيب وردة حمرا علي مقبرته. ادي الحب والوفاء طب كفاية رومانسية بقي و كفاية هري نركز في صورة هذا النجم الصاعد الواعد دا من رحلة اسوان ١٩٨٤ #برديسيات  #جلدة_الكتاب 

مشهد ليل خارجيالمكان : قدام قهوة المعلم عباس ، سيدي بشرالزمان : ليلة العيد، اي…

ذكرياتي مع مدرسة الموسيقي في ابتدائي حجرة الموسيقي تشغل حيز ما في ذاكرتي الطفولية في…

الزمان: العام الدراسي ١٩٨٠ المكان : كلية الاداب – مكان مشمس اسمه (السطح) بدأت تتكون…