هل هناك فارق بين الحق المكتسب و التنازلات.
حين تتنازل الام عن راحتها من اجل راحة اولادها عن طيب خاطر، وعندما تحتاج نفس الام لدعم من اولادها في مرحلة ما، هل هذا حقها ؟ام يعتبر الاولاد هذا تنازل منهم؟ بعد ما تعودوا علي عطائها.
الزوج الذي يتوقع كل شئ من زوجته لمجرد انها أعطت بحب، وحين تكون في حاجة لعطاء متبادل لاتجد. في الواقع بتنازلها عن حقوقها هيتبخس نفسها. قد تكون نشأتها في بيت عودها علي تلبية احتياجاتها بدون ان تطلب، حين تستقل بحياتها تجد صعوبة مع شريك حياة لميتعود ان يُطلب منه شئ.
تصبح الافتراضية الاساسية اننا إن تنازلنا مرة عن حقنا سيعتقد الاخرين انه حق مكتسب لهم.
عن لسان ماجد الكدواني في فيلم هيبتا :
– ابني كان بينسي يشحن موبايله قبل ما ينام أخدته حطيته يشحن… صحي الصبح مبسوط أوي و قعد يشكرني،، تاني يوم : بردو نسي،شحنته له، قال لي : شكرا يا بابا،، تالت يوم : نمت بدري و ما شحنتش الموبايل بتاعه، صحي متضايق و زعلان و بيعاتبني لية ماحطتشالموبيل على الشاحن ينفع كده ؟؟!!
– رتبت سرير بنتي كام يوم بدالها، بطلت ترتبه هي خالص، حتي لو مش تعبانة أو مش مشغولة…
– عودت صاحبي إني أتصل بيه أطمن عليه، في يوم تعبت و ما سألتش عليه، زعل وقالي ما إتصلتش بيا ليه؟؟؟
– إستحملت زميلي ساعة غضبه، بقي العادي بتاعه إنه يتعصب عليا ….
– صديق ورث هو واخواته عمارة بيقتسموا إيجارها، ساب حقه لإخواته كام شهر و أما إتزنق شهر و حب ياخد إيجارها شهر واحد، … بصوله باستغراب، و كان لازم يحكي تفاصيل زنقته عشان ياخد حقه.
#برديسيات